Muri Raporo yayo y’umwaka, ONU ivuga ko abantu babarirwa muri miliyoni 110 mu mpande zose z’isi bateshejwe ingo zabo.
Filippo Grandi, komiseri mukuru w’ishami rya ONU ryita ku mpunzi HCR, yabwiye abanyamakuru kuwa mbere i Geneve mu Busuwisi ko mbere y’impera z’umwaka ushize wa 2022, abantu miliyoni 108 n’ibihumbi 400 bari barateshejwe ibyabo n’intambara, gutotezwa cyangwa ukutubahirizwa kw’uburenganzira bwa muntu. Grandi yagaragaje ko biyongereyeho miliyoni 19.
Uyu muyobozi yavuze ukuvongerwa kwa Ukraine n’igihugu cy’Uburusiya, byatangiye mu kwezi kwa kabiri umwaka wa 2022, byabaye intandaro ikomeye y’ukwo kwiyongera.
Kuva icyo gihe, uwo mubare wagiye uzamuka kugeza kuri izo miliyoni 110 zibarwa ubu, biturutse ku bushyamirane bumaze ibyumweru 8 muri Sudani, aho bwatesheje ibyabo, ababarirwa muri miliyoni ebyiri.
Iyo mibare, ni imwe mw’ikubiye muri raporo y’umwaka ya HCR ku bantu bateshejwe ibyabo mu mpande zose z’isi.
Komiseri mukuru wa HCR yanavuze ko ibihugu bifite ubukungu buri hasi n’ibifite ubuciriritse, byakira abateshejwe ibyabo kurusha ibihugu bikungahaye.
Grandi yagaragaje ko ibihugu byinshi birushaho kugayirwa guteragirana impunzi n’abashaka ubuhungiro, ariko ko yakiriye neza amasezerano yagezweho mu cyumweru gishize mu muryango w’ubumwe bw’ubulayi, ubwo ibihugu 27 biwugize, byemeye gufatanya mu bireba abimukira n’impunzi. (VOA News)