ONU yatangaje kw’italiki ya mbere y’uku kwezi kwa gatandatu ko umubare w’impunzi zituruka muri Sudani zihungira muri Cadi, umaze kugera ku 100.000 kandi ko abenshi bava mu ntara ya Darfur mu burengerazuba bw’igihugu.
Impunzi zikomeje kugera ku mupaka wa Cadi na Sudani, nyuma y’ibyumweru birindwi kuva intambara itangiye. ONU ivuga ko umubare w’abamaze kugera muri Cadi ugera ku 100.000.
Dawoud Adam Ishak impunzi y’umunyasudani, avuga ko yakuwe umutima n’umutwe witwara gisilikare wa Rapid Support Forces. Uyu ahanini wakunze gushinjwa urugomo rurimo gusenya Sudani, nk’uko amafoto ashyirwa ku mbuga nkoranyambaga abigaragaza.
Ishak avuga ko umutwe wa gisilikare ukorana na RSF watumye ava mu rugomo rwe n’umuryango we. Akomeza avuga ko abagabo bahageze mw’ijoro, ubwo bari basinziriye, bakanguka biruka.
ONU ivuga ko impunzi zigera muri Cadi zirenze izari zitezwe. Eujin Byun, ni umuvugizi w’ishami rya ONU ryita ku mpunzi HCR muri Cadi. Avuga ko ubushyamirane butangira, bari biteguriye impunzi zigera mu 100.000, umubare warenze mu byumweru bitandatu. Yongeraho ko babona impunzi nyinshi ku mupaka buri munsi kandi ko atari muri Cadi gusa, ko ari no mu bindi bihugu bituranye nayo.
Ijwi ry’Amerika ryavuganye na bimwe mu bihugu biri mu kanama k’umutekano kw’isi ka ONU mu buryo bw’igihe gito n’ibirimo mu buryo buhoraho. Mw’itangazo, intumwa y’Amerika muri ONU yagize iti: “Ibikorwa by’impande ebyiri ziri mu ntambara, byateje umubabaro ukabije kandi byagize ingaruka zikomeye ku baturage ba Sudani, kandi dufite impungenge nyinshi z’imirwano irimo kuba mu ntara ya Darfur. Twiyemeje gukora ibishoboka byose kugirango impande zombi zihagarike ubushyamirane”.
Mu gihe impande ziri mu ntambara zirimo kuva mu biganiro, abasesengura ibintu basanga intumwa z’amahoro za ONU, aribwo buryo bwonyine bushobora guhosha urugomo i Darfur. (VOA News)
Facebook Forum