Perezidanse ya Reta zunze ubumwe z’Amerika imenyesha ko itazokwitaba ubutumire bw’abashingamateka ku musi wa gatatu, kwumviriza ingingo zijanye n’ivanwa ku butegetsi ry’umukuru w’igihugu bizoba birongowe n’akanama k’abashingamateka bajejwe ubutungane.
Umukuru w’iyo komisiyo Jerrold Nadler yaratumiye Perezida Donald Trump hamwe n’abahanuzi biwe kwitabira iryo yumviriza rya mbere.
Ni mu gihe Trump azoba yitabiriye inama ya OTAN izobera mu Bwongereza muri iyi ndwi.
Trump yagirizwa guhagarika imiliyoni zishika 400 z’amadolari y’imfashanyo za gisirikare agenewe Ukraine, mu gusaba ko perezida wa Ukraine Volodymyr Zelenskiy abanza gutangaza ku mugaragaro ko agiye gutohoza kuri Joe Biden.
Biden ni umukandida w’umugambwe w’abademokrate bashobora kuzohiganwa mu matora yo mu mwaka uza wa 2020. Amwagiriza kurya ibiturire, ariko nta vyemeza biriho.
Facebook Forum