gahunda y'itangazamakuru

Amakuru mu Gitondo (0330-0400 UTC): Amakuru agezweho mu Rwanda, mu Burundi, muri Afurika no hirya no hino kw’isi. Ijwi ry’Amerika kandi ribagezaho n’ibiganiro birambuye ku byabaye iwanyu aho mutuye, hafi y’aho mukorera ndetse no ku mashuri yanyu.

Mu minsi irindwi, u Rwanda ruzaba rwibuka imyaka 30 ishize habaye jenoside yakorewe abatutsi muri 1994. Mu Burundi, ubukene buri mu makipe y’abagore y’umupira w’amaguru bushobora gutuma amwe asenyuka. Ku mugabane w’Afurika, abagore bagera kuri miliyoni 3.8 bagizweho ingaruka zo kugorora amabere.

Mu Rwanda, leta iheruka gutangira gahunda yo kuvugurura itegeko rigenga abantu n’umuryango. Uyu mushinga w’itegeko ubaye umwe mu yavuzweho cyane kubera zimwe mu ngingo ziwugize. Murisanga yabatumiriye umunyamategeko Mukashema Marie Louise wo mw'Ihuriro ry'imiryango itanga ubufasha mu by'amategeko.

Amakuru y'Akarere (1600-1630 UTC): Amakuru atambuka i saa kumi n'ebyeri ku mugoroba mu Rwanda no mu Burundi. Akenshi, aya makuru yibanda ku karere k'ibiyaga bigari n'Afurika y'uburasirazuba.

Perezida Paul Kagame w’u Rwanda avuga ko u Rwanda rurambiwe kwikorezwa ibibazo cya Kongo. Abahanga muri Amerika barasaba abaturage kwirinda ibihuha bishobora kuvangira amatora. Isirayeri yatangaje ko ingabo zayo zavuye mu gice kirimo ibitaro byitwa Shifa.