Abategetsi ba Tuniziya bavuze kuri uyu wa mbere ko bahagaritse bongera baratabara amato yarimwo abimukira barenga 650 bariko baragerageza kwinjira ku mugabane wa Buraya baciye mw’ibahari, mu mpera z’indwi irangiye.
Babaye abimukira benshi bafashwe muri ubwo buryo mu kiringo c’amezi abiri aheze.
Tuniziya na Libiya niyo mihora ibiri abimukira bakunze gukoresha bagerageza kujabuka mu Buraya bavuye ku mugabane wa Afrika. Abagerageza gukoresha ayo mayira bakunze kwiyongera mu bihe vyo muci.
Izinga ry’Ubutaliyano rya Lampedusa riri ku birometero bitarenga 140 ku rundi ruhande rwo hakurya y’ibahari uva muri Tuniziya.
Abategetsi b’igisirikare ca Tuniziya gikorera mu mazi bavuze ko muri rusangi, abimukira 657 bari mu mice 46 itandukanye ari bo batabawe canke babuzwa kujabuka hagati y’imisi ya gatanu n’uyu wa mbere.
Bibiri vya bitatu vy’abo bimukira baturutse mu karere ka Afrika yo musi y’ubugaragwa bwa Sahara, abandi basigaye ni abanyetuniziya.
@AFP
Facebook Forum