Ubucuruzi n’ingendo byahagaritswe ku mupaka wa Bunagana hagati ya Uganda na Repubulika Iharanira Demokarasi ya Kongo. Ibihumbi n'ibihumbi bari bahunze imirwano yo ku wa mbere bagasubira iwabo ku wa kabiri, byabaye ngombwa ko bongera guhunga mu gitondo cyo kuri uyu wa mbere.
Mu rukerere rwo kuri uyu wa gatatu, abatuye i Bunagana bakanguwe n’urusaku rw’imbunda za rutura rwaturukaga mu ducye two hafi y’umupaka twaberagamo imirwano ikaze hagati y’inyeshyamba za M23 n’ingabo za leta ya congo. Nubgo ku waka biri aho Bunagana harihatuje, imirwano yongeye gusatira uwo muji.
Imirwano yabaye ku wa mbere yari yatumye abarenga 5000 bahungira muri Uganda nkuko byatangajwe na HCR, kandi ku mugoroba wo ku wa kabiri umubare munini usubira mu rugo. Amakuru aturuka ku mupaka yerekana ko abari basubiye mu rugo bose hiyongeyeho n'abandi bongeye kwirigwa bahunga.
Leta ya Uganda n’imiryango itabara impunzi irasaba ubufasha bw’ibihumbi n’ibihumbi bihungira muri ako gace ka Gisoro gafite ubushobozi buke, kandi kari hafi cyane n’umupaka.
Umuvugizi wa M23, Willy Ngoma yabwiye Ijwi ry'Amerika ko bagiye kurwana kugeza abarwanyi babo ba nyuma bishwe. Ijwi ry'Amerika ryagerageje kurondera
igisubizo ku ruhande rwa guverinoma ya Congo ariko ntibyakunze. Akatari gake ariko leta ya Kongo yavuze ko umutwe wa m23 ari umutwe uhora uhindura imyunvire yawo kandi ugashigikirwa n’abanyamahanga kugira ngo uhungabanye umutekano.
Inkuru ya Ignatius Bahizi akorera Ijwi ry'Amerika i Kampala muri Uganda
