Koreya ya ruguru yateye ibigendajuru vya misile kuri uyu wa kabiri. Ibi vyatangajwe n’igisirikare ca Koreya y’Epfo.
Koreya ya ruguru iteye izo misile haheze umusi umwe iteye izindi zibiri zaterewe mu bwato bwo mu mazi. Ikimenyeshamakuru ca reta kivuga ko uku ari ukwerekana inguvu za gisirikare kuri Reta zunze ubumwe za Amerika na Koreya y’epfo.
Mu mwaka uheze, Koreya ya ruguru yarateye misile zitari nke, harimwo zimwe zateye n’ubwoba Koreya y’epfo n’Ubuyapani.
Reta zunze ubumwe za Amerika na Koreya y’Epfo vyaciye vyishura mu gukaza imyimenyerezo ya gisirikare ivyo bihugu vyatanguye ku musi wa mbere.
Ku musi wa mbere, umuvugizi w’ubushikiranganji bwa Amerika bujejwe imigenderanire, Ned Price, yavuze ko iyi myimenyerezo ikozwe hisunzwe agasomborotso ka Koreya ya ruguru kiyongereye.