Muri Repubulika ya demokarasi ya Kongo inzego z’umutekano zatatanyije abaturage babarirwa mu magana bari mu myigaragambyo yo kwamagana ingabo z’umuryango w’Afurika y’Uburasirazuba (EAC).
Abo baturage basabye ko mu minsi itatu ingabo za EAC ziba zagiye ku rugamba gufatanya n’iza leta ya Kongo kurwanya umutwe wa M23 urwanya ubutegetsi buriho muri icyo gihugu.
Nyuma y’iyo minsi imiryango iharanira uburenganzira bwa muntu n’itegamiye kuri Leta mu ntara ya Kivu ya ruguru yateguye imyigaragambyo yo gusaba ko izo ngabo zasubira mu bihugu byazo bavuga ko ntacyo zimariye Kongo.
Umunyamakuru w’Ijwi ry’Amerika Jimmy Shukrani Bakomera uri i Goma muri Kivu ya ruguru yakurikiranye uko byagenze mu kiganiro yagiranye na Geoffrey Mutagoma ushobora gukurikira hano hepfo.
Your browser doesn’t support HTML5
Muri Kongo Polisi Yatatanyije Abaturage Bigaragambyaga Basaba Ingabo za EAC Gutaha