Umushikiranganji wa mbere w’Ubwongereza Boris Johnson, yari amaze indwi irenga mu rugo iwe kuko yanduye umugera wa Corona yinjiye ibitaro kuri uyu w’Imana kugira apimwe.
Ibiro vyiwe vyatangaje ko yinjiye ibitaro kuko yari acumva ibimenyetso vy’uwo mugera inyuma y’imisi 10 apimwe ko yawanduye.
Johnson, w’imyaka 55, yari akibanganya amabanga y’umushikiranganji wa mbere ariko kandi akurikiranwa n’umuganga wiwe kuri telephone. Kwinjira ibitaro, bisigura ko abaganga bashobora kumubona amaso mu yandi.