Guverinema ya Zimbabwe kuri uyu wa kabiri yatangaje ko izongera gufungura amashuri mato n’ayisumbuye muri uku kwezi, kugirango abanyeshuri bitegure ibizami bya nyuma. Ni nyuma y’amezi atandatu amashuri afunze kubera icyorezo cya COVID-19.
Abanyeshuri bazabanza gusubira ku mashuri taliki 14 y’uku kwa cyenda, ni abazakora ibizamini mpuzamahanga cy’izwi nka Cambridge International exams. Nyuma y’ibyumweru bibiri, hazasubira kw’ishuri abazakora ibizamini bya nyuma by’imbere mu gihugu.
Minisiteri y’uburezi irimo gukorana n’izindi minisiteri n’abandi babishinzwe kugira ngo abana bazagire umutekano ndetse n’abakozi mu bihe by’ibizamini nk’uko guverinema yabivuze.
Minisiteri y’uburezi mbere yari yavuze ko izahera ku bana bazakora ibizami bya nyuma kandi yari yabaye nk’iyumvikanisha ko abandi banyeshuri batazasubira ku mashuri mbere y’umwaka utaha wa 2021.
Zimbabwe ifite abantu 6,500 banduye COVID-19 kandi iyo ndwara yishe 202. N’ubwo umubare w’abandura wiyongereye mu byumweru bitandatu bishize, abenshi ni abatarembye kandi gukira biri ku gipimo cya 80 kw’ijana nk’uko guverinema ikomeza ibivuga.
Abategetsi barareba uko ibibuga by’indege byafungurwa, kugirango bifashe urwego rw’ubukerarugendo. Umugambi ni uwo gusubukura ingendo z’indege imbere mu gihugu, ingendo mpuzamahanga zikazakurikiraho. Cyakora guverinema tariki yatanze.