I Mogadishu mu murwa mukuru wa Somaliya kuri uyu mugoroba humvikanye urusaku rw'amasasu. Ayo masasu yavugiraga hafi y'ingoro y'umukuru w'igihugu.
Umunyamakuru w'Ijwi ry'Amerika uri muri uwo mujyi nawe yemeje ko yumvise urwo rusaku.
Ayo masasu ngo yaba yarasiwe ku i Hotel yegereye iyo ngoro.
Depite Mahad Salad, yabwiye Ijwi ry'Amerika ko iyo hotel irimo kugabwaho ibitero n'imitwe yitwaje intwaro. Inzego z'umutekano zikomeje kugerageza kurokora abantu bari bayirimo.
Umuyobozi mukuru wungirije wa polisi y'igihugu Zakia Hussein yavuze ko bamaze kurokora abantu 82. Yavuze ko babili muri ibyo byihebe bishwe n'inzego z'umutekano.
Umutwe w'iterabwoba wa al-Shabab umaze kwigamba icyo gitero.
Si ubwa mbere iyi hoteli yibasirwa n'ibitero bya al-Shabab.