Abandi bantu babiri bari muri ekipe ifasha Perezida Donald Trump kwiyamamaza batoweko ubwandu bwa Virusi ya Corona. Baje biyongera ku bandi batandatu bo muri iyo ekipe basanganywe ubwandu ku munsi wa gatandatu.
Tim Murtaugh ajejwe gutanga amakuru muri uwo murwi yemeje ivy’ubwo bwandu agira ati: “Ni vyo baranduye, ariko ku wa gatandatu aho bari muri Reta ya Oklahoma, Trump yugurura ibikorwa vyo kwiyamamaza kwiwe bose bari bambaye udufuka munwa.”
Tim Murtaugh yemeje ko abo bompi bamaze gushirwa mu kato. Ukwiyamamaza kwa Trump muri bino bihe Amerika ikomeje guhangana n’ikiza ca Virusi ya Corona kwakiriwe nabi n’impande zitandukanye, zivuga ko gushobora gutuma abandura biyongera.