Urukiko Rukuru rwa Gisirikare mu Rwanda rwasubukuye iburanisha ry'urubanza rw'abari abarwanyi mu mitwe ya P5 na RUD-Urunana. Ubushinjacyaha bwasabiye abaregwa 33 gufungwa ubuzima bwabo bwose. Burabarega ibyaha by'ubwicanyi no gushaka kugirira nabi ubutegetsi buriho.
Mu iburanisha rya none umushinjacyaha wa gisirikare yasabiye ibihano abaregwa 10. Abandi 23 yabasabiye ibihano mu maburanisha yabanje.
Mu bo ubushinjacyaha bwasabiye ibihano harimo itsinda ry’abantu batanu buvuga ko bavuye mu gihugu cy’Uburundi bajya kwitoreza igisirikare mu mashyamba ya Repubulika ya demokarasi ya Kongo mu mugambi mubisha wo guhirika ubutegetsi buriho mu Rwanda binyuze mu nzira y’intambara.
Umunyamakuru w'Ijwi ry'Amerika mu Rwanda, Eric Bagiruwubusa, ni we wakurikiranye iyi nkuru.
Your browser doesn’t support HTML5
Abahoze ari Inyeshyamba za P5 Basabiwe Gufungwa Burundu