Polise I Londres mu bwongereza, ivuga ko yarashe umugabo ku rutindo ruzwi nka London Bridge, nyuma yo kugaba igitero akoresheje imbugita.
Mw’itangazo kuri uyu wa gatanu, polise y’ubwongereza yemeje ko ari igitero cy’iterabwoba.
Komiseri wungirije wa polise, Neil Basu, yabwiye abanyamakuru ko uvugwa ko yagabye igitero yarashwe na polise kandi ko yahise apfa. Ni kuri uyu wa gatanu mu murwa mukuru w’Ubwongereza.
Basu yavuze ko uwo mugabo yari yambaye ikote risa n’iririmo ibisasu. Yavuze ko polise idashobora gukekeranya impamvu yatumye uwo mugabo akora ibyo yakoze.
Abategetsi b’Ubwongereza barasaba abaturage kwirinda kujya mu karere kabereyemo igitero. Minisitiri w’intebe Boris Johnson yamenyeshejwe ibyabaye.
Muri Amerika, perezidansi, yatanze itangazo ivuga ko perezida Donald Trump yabwiwe ibyabaye kandi ko arimo kubikurikiranira hafi.