Domitien Ndayizeye yahoze ari perezida w'Uburundi yagenywe mu murwi w'inararibonye z'ishirahamwe ry'umuryango w'Ubumwe bwa Afurika. Ubutumwa ingoro y'umukuru w'igihugu c'Uburundi, Ntare Rushatsi House, yacishije ku rubuga rwayo rwa Twitter, buvuga ko Uburundi ari bwo bwasavye ko Prezida Ndayizeye aja muri uwo murwi.
L%27ancien Président Domitien #Ndayizeye est nommé par la 35 ème Session de la Conférence des Chefs d%27Etat et de Gouvernement, #AUSummit2022, membre du groupe des Sages @_AfricanUnion pour un mandat de trois ans, sur proposition du Gouvernement du #Burundi pic.twitter.com/XxCYipiBy4
— Ntare Rushatsi House (@NtareHouse) February 6, 2022
Manda ya Prezida Domitien Ndayizeye izomara imyaka itatu. Izina ryiwe ryemerejwe mu nama igira 35 y'abakuru b'ibihugu vy'umuryango w'ubumwe bwa Afurika yasozereye ibikorwa vyayo ku muhingamo w'uno wa Mungu.
Umurwi w'inararibonye z'umuryango w'ubumwe bw'Afurika ni igisata kijejwe gukumira ku rwego rwo hejuru amatati mu bihugu bigize uwo muryango. Ikigo nyamerika cishinze guteza imbere ubunyamwuga bw'abategetsi b'abanyafurika, demokarasi, intwaro ibereye no gukorana neza hagati y'abategetsi b'Amerika, Uburaya na Afurika, Centre d'études stratégiques de l'Afrique, gifise icicaro i Washington DC, mu nkuru yaco igaruka ku mikorere y'umurwi w'inararibonye za AU kivuga ko uwo murwi ugizwe "n'ibicocoro vy'indyamunyu z'Abanyafurika batanu bubashwe" kubera uruhara bagize mu gutsimbataza amahoro.
Abari muri uwo murwi batorwa mu turere dutanu tugize Afurika ari two: Afurika y'Ubumanuko, y'Ubuseruko, yo Hagati, yo mu Burengero n'iy'igice kirimwo ibihugu bivuga ururirimi rw'icarabu muri Afurika ya Ruguru (Maghreb) .
Mu zindi ngingo zafatiwe mu nama ya 35 y’umuryango w’ubumwe bw’Afurika, harimwo ko igisata kijejwe gukumira indwara n’ibiza ku mugabane wa Afurika, CDC, kiba igisata cigenga c’Ubumwe bwa Afurika.
A l%27instant! Le #SommetUA2022 des Chefs d%27État & d Gvrnmnt vient de prendre une décision historique de rendre à @AfricaCDC le status d%27Agence de Santé Autonome de l%27@_AfricanUnion.@AUC_MoussaFaki @mnsanzabaganwa @CyrilRamaphosa @PaulKagame @StateHouseKenya @Presidence_RDC #NPHO. https://t.co/lPp0LjRCFG
— John Nkengasong (@JNkengasong) February 6, 2022
Vyari vyitezwe ko AU itomora niba Isirayeri yo kwemererwa kwinjira muri uwo muryango nk’indorerezi, ariko inama yaheze iki gikorwa bagishize mu minwe y’ibihugu bigiye kubandanya kucigako. Ivyo bihugu ni u Rwanda, Kongo, Aljeriya, Afurika y’Epfo, Nijeriya, Kameruni na Senegali.
The AU Assembly has mandated a Committee of Heads of State (SouthAfrica,Nigeria,Rwanda,Algeria, Cameroon,DRC,Senegal) to deliberate on the merit of the Chairperson%27s decision to grant observor status to Israël. Until such time, the Chairperson of the Commission%27s decision stands.
— Ebba Kalondo (@EbbaKalondo) February 6, 2022
Imvugo kw’iyinjira rya Isirayeri mu bumwe bw’Afurika ni zibiri: Uruhande rumwe rurashigikiye ko Isirayeri yokwemera kuba indorerezi, urundi narwo ntirubishigikiye.