Etiyopiya yavuze ko leta zunze ubumwe z’Amerika igiye kwohereza abantu bo mu biro vy'igihugu bishinzwe gukurikirana ibyaha, FBI, gukora iperereza ku gitero cya bombe cyahitanye abantu kuwa gatandatu mu murwa mukuru wa Etiyopia, Addis Abeba.
Uwungirije sekreteri ushinzwe ubucuruzi Gilbert Kaplan yabitangaje kuri uyu wa mbere amaze kugirana inama na minisitiri w’ububanyi n’amahanga, Addis Abeba.
Abantu babiri baguye muri icyo gitero cya grenade abandi 150 barakomereka.
Icyo gitero cyabaye nyuma y’uko minisitiri w’intebe mushya uhagurukiye kuvugurura ibintu, Abiy Ahmed yari arangije kuvuga ijambo imbere y’imbaga y’abantu bamushyigikiye.
Abantu 30 batawe muri yombi mu bifitanye isano n’icyo gitero, Abiy avuga ko icyo gitero cyakozwe cyitondewe. Igitero kikimara kuba, yaragize ati: “Urukundo buri gihe ruratsinda. Kwica abandi ni ugutsindwa”. Avugira kuri televiziyo, Abiy yagize ati: “Abo bose bashaka kuducamo ibice, icyo nababwira n’uko batazabigeraho”.