Ositraliya yiyongeye ku bindi bihugu byashyizeho amabwiriza yo kugabanya ingendo byakoreraga muri Afurika y'Epfo nyuma y'aho habonekeye ubwoko bushya bwa virusi ya Corona bwitwa Omicron.
Ibyo bibaye mu gihe abantu 61 muri 600 bageze mu Buholandi baje mu ndege ebyiri zivuye muri Afurika y'Epfo, ejo ku wa gatanu bagaragaweho n'ubwandu bwa virusi ya Corona. Inzego z'ubuvuzi mu Buholandi ziracyasuzuma niba ari ubwandu bw'iyo virusi nshya cyangwa niba ari isanzwe.
Abashakashatsi bavuga ko Virusi ya Corona yo mu bwoko bwa Omicron ishobora kwandura vuba cyane ugereranije n'izindi zose zitera Covid 19.
Iyi virusi yagaragaye bwa mbere muri Afurika y'Epfo. Kugeza ubu, imaze kugaragara mu Bubuligi, Botswana, Isirayeli na Hong Kong.
Reuters.