Inzobere yigenga yasesenguye amakimbirane yo muri Centrafrica yagaragaje impungenge z'uko amasezerano yo kugarukana amahoro n’ubwiyunge mu gihugu ashobora kuba impfabusa kubera ko atubahirizwa na bamwe mu bayashyizeho umukono.
Marie-Therese Keita Bocoum yahaye icyegerenyo cye Inama y’Umuryango w’Abibumbye ishinzwe uburenganzira bwa kiremwa-muntu aravuga ko ayo masezerano yemerera imitwe yitwaje intwaro kwinjira muri Leta.
Gusa rero ngo hari imitwe yitwaje intwaro yarenze ku masezerano agaba ibitero mu mujyi wa Paou mu kwezi kwa gatanu.
Abategetesi ba Centafrica baravuga ko ariya masezerano yasinyiwe mu murwa mukuru Bangui, mu kwezi kwa kabiri ashobora kuzagarura amahoro mu gihugu cyazahajwe n’intambara.