Kuya 29 z'ukwezikwa 11 mu mwaka wa 2009, guverinoma y'u Rwanda, yatangaje ko umubano wayo n'u Bufaransa wongeye gusubukurwa. Icyi cyemezo, cyafashwe n'impande zombi nyuma nyuma y'ibiganiro byahuje intumwa ya Perezida w'u Bufaransa na Perezida w'u Rwanda I Kigali kuri yi tariki. Hari hashize imyaka itatu ibyo bihugu byaracanye umubano.
N'ubwo ibihugu byombi byasubukuye umubano, Minisitiri w'ububanyi n'amahanga Rosemary Museminari, yatangarije abanyamakuru ko ibibazo byatumye uwo mubano ucibwa bitacyemutse. Ariko ko ibyo bihugu bizashyiraho uburyo bizakomeza gusuzumwa.
Minisitir Museminari, yavuze ko icyo basaba u Bufaransa ari umubano ushingiye ku bwubahane.
U Rwanda rwafashe icyemezo cyo gucana umubano n'u Bufaransa kuya 24 z'ukwezi kwa 11 mu mwaka wa 2006. Biturutse ku mpapuro zo guta muri yombi abasirikare bakuru 9 b'u Rwanda, zatanzwe n'umucamanza wo mu Bufaransa J Louis Bruguere. Icyo gihe uretse Ambasaderi w'u Bufaransa wahawe amasaha 72 yo kuva mu Rwanda, n'ibindi bikorwa by'u Bufaransa mu Rwanda byarafunzwe. Harimo inzu ndangamuco y'u Bufaransa, radiyo y'Abafaransa ndetse n'ishuri ry'u Bufaransa.
Gusubukura uwo mubano ushingiye kuri za Ambasade, Minisitiri Museminari yavuze ko ari inzira yo kuganira kurira ngo ko n'ibyo bikorwa bibe byasubukurwa.