Ukraine yemeza ko ifise ivyemezo vy’uko Uburusiya bwagandaguye imfungwa z’intambara 93. Umurwi wegukira ubutungane bwo muri Ukraine ujejwe gukora amatohoza ku vyaha vy’intambara “vyakozwe n’Uburusiya kuva butangura gutera Ukraine”, uvuga ko abo bose 93 ari abasirikare.
Yuriy Belousov atwara uwo murwi, yavuze ko ibice 80% vy’abagandaguwe bishwe muri uno mwaka. Ukraine ivuga ko imfungwa z’intambara zanyuma Uburusiya buheruka kugandagura ari abasirikare 16, biciwe mu karere ka Donetsk.
Amavidewo ariko ahererekanywa ku rubuga rwa Telegramm, yerekana ingabo z’Uburusiya ziriko zivana mw’ishamba abasirikare ba Ukraine, zibantondekesha ku murongo, mu nyuma zikabamijagurmwo masasu.
Ayo mavidewo arimwo kandi aho ingabo z’Uburusiya zegera abakomeretse batapfuye, zigasubira kubarasa zibahohosha. Ukraine ntaco iravuga kuri ano ma videwo. Itororokanirizo ry’amakuru y’abafaransa, AFP, dukesha ino nkuru naryo nyene rivuga ko ritarashobora kuronka amasoko yuzuzanya kugira yemeze ukuri kw’izi videwo. (AFP)