Muri Kenya, leta yashyizeho igihembo ku muntu wese uzatanga amakuru atuma Collins Jumaisi yongera gutabwa muri yombi. Collins Jumaisi ni wa mwicanyi ruharwa w’imyaka 33, wiyemereye ko yishye abagore byibura 42 (ahereye ku mugore we bwite), no gucagagura imibiri yabo mo uduce-duce.
Jumaisi yafashwe bwa mbere mu kwezi gushize. Muri iki cyumweru, yatorotse kasho ya polisi yari afungiwemo by’agateganyo, ahunga n’abandi bantu 12 bari bafunganywe, bakomoka muri Eritereya binjiye muri Kenya mu buryo bwa magendu.
Polisi yashyizeho ingamba zo kumuhiga bukware. Ni muri urwo rwego ivuga ko uwo ari wese uzayifasha kongera kumufata azabona igihembo gitubutse ku buryo bushimishije. Ariko ntisobanura uko kingana.
Abapolisi batanu bakekwaho ko babafashije gucika nabo batawe muri yombi. Ku wa gatatu, urukiko rwabarekuye by’agateganyo ku ngwate y’amashilingi ya Kenya 200,000 (angana n’amadolari y’Amerika 1.500). (AFP)
Kenya: Leta Yashyizeho Igihembo ku Wotanga Amakuru y'Ahaherereye Uwiyemereye ko Yishe Abagore 42
Collins Jumaisi Khalusha