Abanyasudani 13 bapfuye kuri uyu wa kane, nyuma y’uko ubwato barimo bwiyubikaga hafi y’inkombe za Tunisiya. Abandi 27 baburiwe irengero.
Farid Ben Jha, umuvugizi w’urukiko mu mujyi wa Monastir ku nkombe z’inyanja ya Mediterane, yavuze ko mu bantu 42 bari muri ubwo bwato, babiri aribo bonyine barokotse. Bari baturutse mu mujyi muto wa Jebiniana hafi ya Sfax.
Nk’uko ibiro ntaramakuru by’abafaransa, AFP, byabitangaje, Jha yavuze ko iperereza ryatangiye. Yongeyeho ko abo bimukira, bashobora kuba bari “bari mu kizwi mu rukiko nk’icuruzwa ry’abantu”.
Abakozweho n’iyo mpanuka y’ubwato, bose bari abantu bashaka ubuhungiro baturuka mu gihugu cya Sudani cyayogojwe n’intambara.
Bari bariyandikishije mu ishami rya ONU ryita ku mpunzi, HCR.
Ibiro ntaramakuru, AFP, bivuga ko buriye ubwato bufite ibyuma bijegajega, bishaje, bisudiriye.
Gushakisha ababuriwe irengero biracyakomeje.