Urubyiruko ruturutse mu bihugu bitandukanye byo muri Afurika rwaje muri Amerika muri gahunda ya Mandela Washington Fellowship izwi nka YALI yatangijwe na Perezida Barack Obama muri 2014. Gahunda y’uyu mwaka yatangiye mu kwezi kwa gatandatu muri za Kaminuza zitandukanye. Programu YALI igamije guha urubyiruko ubushobozi nk’abayobozi b’ejo hazaza no kubongerera ubumenyi bwo guhangana n’ibibazo byugarije Afurika.
Ku munsi w’ejo, bamwe muri urwo rubyiruko basuye Radiyo Ijwi ry’Amerika. Umwe muri bo ni umunyarwandakazi Marie Odile Inezaye waganiriye na mugenzi wacu Tim Ishimwe ku mwihariko yabonye muri iyo programu.