Abantu 3 bakomerekeye mu gitero c'indege cagabwe mu gisagara ca Odessa kiri mu bumanuko bwa Ukraine. Abategetsi ba Ukraine begetse ico gitero ku Burusiya.
Igisirikare ca Ukraine kivuga casambuye indege zitagira umudereva, Drone, 15 Uburusiya bwakoresheje mu kugaba ico gitero, congera kiburizamwo ibisasu vyo mu bwoko bwa misile 8.
Abantu 3 bakomeretse, bakomerekejwe n’ibisigarira vy’indege n’ibisasu vyasambuwe nkuko Ukraine ibandanya kuvyemeza. Ivyo bisigarira vyononye kandi uburaro bw’abanyeshure.
Hagati aho, bombe Uburusiya bwateye ejo mu karere ka Kherson ko muri Ukraine yahitanye abagera kuri indwi, ikomeretsa 22.