Abantu batari munsi ya batandatu bapfuye, abandi 12 bakorakomereka ubwo igisasu cyaturikanaga imodoka ya minibus ku muhanda mu majyepfo ya Somaliya mu gitondo cyo kuri uyu wa gatatu.
Mohamed Ibrahim Barre, guverineri w’intara ya Lower Shabelle, yabwiye serivisi ya Somali y’Ijwi ry’Amerika ko iyo minibisi yari mu rugendo hagati y’imijyi ya Marka na Ooryoley. Guverineri yavuze ko abahasize ubuzima bose ni abasivili, barimo abagore n’abana. Nta wigabye icyo gitero, ariko uwo guverineri yacyamaganiye ku mutwe w’abarwanyi al-Shabab.
Al-Shabab yakunze kugaba ibitero yibasira guverinema ya Somaliya kandi z’Afurika yiyunze ziri mu karere. Guturitsa ibisasu ku mihanda, ni bumwe mu buryo bwahitanye abantu benshi, al-Shabab yakoresheje mu gihugu.
Uwungirije intumwa idasanzwe y’umunyamabanga mukuru wa ONU kuri Somaliya, Kiki Gbeho, yabwiye inteko ishinzwe umutekano kw’isi ya ONU, mu ntangiriro y’uyu mwaka ko al-Shabab ikomeje kubangamira bikomeye amahoro n’umutekano muri Somaliya.
Yakomeje avuga ko hagati y’ukwezi kwa mbere umwaka wa 2020 kugeza kuya 31 y’ukwa 12 mu 2021, ONU yamenye ko ibisasu 109 byakoreshejwe mu bitero bya al-Shabab kandi ko abasivili 865 bahasize ubuzima. Nk’uko raporo ya ONU ibigaragaza 309 barapfuye abandi 556 barakomeretse. ((VOA News))