Guhera kuri uyu wa Kane, Reta y'Uburundi yavanyeho amafaranga y’igipimo cya COVID-19 abaturage b’Abakomani bari basanzwe bishura banyuze k’umupaka wa Gatumba n’indi mipaka Uburundi busangiye na Repubulika ya Demokarasi ya Kongo.
Abaturage b’Abakongomani ndetse n’Abanyamahanga bari basanzwe bishura amadorali y'Amerika 5 uko binjiye mu Burundi banyuze ku mupaka wa Gatumba ndetse n’indi mipaka icyo gihugu gihana na Kongo.
Abaturage bakora ubucuruzi bwambukiranya imipaka bavuga ko iyi ngingo yo kuvana igipimo cya corona izabafasha gukora neza imirimo yabo. Fyonda hasi wumve ibindi muri ino nkuru ya Vedaste Ngabo, akorera Ijwi ry'Amerika muri Kongo.
Your browser doesn’t support HTML5
Abanyagihugu Bakiriye Gute Ingingo y'Uburundi Ivanaho Amafaranga y'Igipimo ca Corona?
Nubwo igihugu cy’Uburundi cyavanyeho igipimo cya Covid 19 bamwe mu baturage b’Abarundi bavuga ko iyo binjiye muri Kongo bishuzwa amafaranga angana 5$ y’icyo gipimo mu gihe cy’iminsi 14.
Amakuru ava ku mupaka wa Kavimvira ku bashinzwe abinjira n’abasohoka avuga ko mbere ya Covid 19 mu mwaka wa 2020 umupaka wa Kavimvira wanyuraga ho abantu 4000 ku munsi bagana mu Burundi. Nyamara ubu, bagereranya ko usigaye unyuraho abantu 1700 ku munsi. Ni ukuvuga ko bagabanutseho inshuro zirenga ebyeri.
Leta y’uburundi ivanyeho iki gipimo cya Covid-19 mu gihe mu bihe bitandukanye bagiye bacishuza amafaranga 100$, 30$ , 15$ ubu cari kigeze ku madorali 5$ abaturage b’abakongomani bishuraga uko banyuze ku mupaka wa Gatumba.