Ubushinwa bwihutiye gukingira abantu bafite ibyago byo kuba bakwandura kurusha abandi, uyu munsi kuwa kane, mu kwitegura ubwandu bushya bwa COVID-19 bushoboka.
Ibyo biraba mu gihe ishami rya ONU ryita ku buzima, OMS, yagaragaje impungenge z’uko abaturage b’Ubushinwa miliyari imwe na miliyoni 400 batakingiwe mu buryo bukwiye. Leta zunze ubumwe z’Amerika, na yo, yemeye gufasha guhangana n’ubwandu bwongeye kwaduka.
Bamwe mu basesengura ibintu biteze ko umubare w’abahitanwa n’iyo ndwara uziyongera cyane, nyuma yo koroshya ingamba zari zafashije mu kubuza icyorezo gukwirakwira mu myaka itatu.
Kuwa gatatu ushize, Ubushinwa bwatangiye guhagarika ingamba zikaze zo gucunga COVID zizwi nka ‘zero-COVID’. Bwakuyeho ibisabwa mu kwipimisha kandi bworoshya amabwiriza y’akato yari yatumye abantu ibihumbi mirongo bahangayika.
Umuvugizi wa minisiteri y’ububanyi n’amahanga w’Ubushinwa, Wang Wenbin, uyu munsi kuwa kane yavuze ko Ubushinwa bufite “amahirwe yo kugira inzego” zo kurwanya COVID. Avuga ko nta kabuza zizafasha gutuma ibikorwa byo kurwanya icyorezo bigenda neza. Yabibwiye abanyamakuru kuri Perezidansi y’Amerika kandi n’umuvugizi w’Amerika mu by’umutekano w’igihugu muri Perezidansi, John Kirby yavuze ko Amerika yiteguye gufasha Ubushinwa igihe bwabisaba. (Reuters)
Ubushinwa Bwiteguriye Ubwandu Bushya bwa COVID-19 Bushoboka
Bamwe mu bakorera mu gisata c'amagara y'abantu mu Bushinwa