USA: Batandatu Bishwe Barashwe muri Reta ya Virjiniya

Ubwicanyi hakoreshejwe inkoho bwabaye akayobera bahinga hano muri Reta zunze ubumwe za Amerika.

Ejo kuwa gatatu igiporisi co mu gisagara Chesapeake, muri reta ya Virjiniya bavuze ko abantu batandatu bishwe barashwe abandi bashika kuri batandatu barakomereka.

Igiporisi kivuga ko biciwe muri supermarche izwi cane muri Amerika ya Walmart, aho uwo yari arongoye abakoze yasohora inkoho acucagira amasasu mu bakozi bari mu nama y’akazi.

Uwo yabarashe igiporisi kivuga ko cahashitse gisanga nawe yamaze kwiyica. Yari umugabo w’imyaka 31, azwi kw’izina rya Andre Bing, yari umukuru w’abakozi bakora mw’ijoro kuva mu mwaka wa 2010.

Bubaye ubwicanyi kivunga bukozwe mu kiringo c’imisi ine gusa.