Ubuserukizi bw’Uburundi mu gihugu c’Ubuganda bwahagaritse ingoma z’Uburundi muri ico gihugu. Ubwo buserukizi buvuga ko zisigaye zivuzwa mu buryo buciye kubiri n’amategeko.
Ambasaderi w’Uburundi yategetse ko imigwi yose ifise Ingoma izitwara muri ubwo buserukizi bitarenze ku munsi wa kane w’iyi ndwi.
#Burundi: L%27Ambassade du Burundi en Ouganda exige les groupes culturels majoritairement composés par des réfugiés de remettre sans délai à l%27Ambassade leurs tambours et veut organiser après une réunion à l%27intention des leaders de ces groupes . pic.twitter.com/9oTcmxqCqU
— Journal Plume du Réfugié (@RefugiePlume) October 1, 2022
N’aho biri uko, imigwi y’impunzi z’Abarundi irarahira ikarengwa ko itazozisubiza kuko batakigengwa n’amategeko y’igihugu bahunze bavamwo.
Un non-sens ! 1. L%27ambassade n%27a aucune autorité sur des réfugiés qui ont fui le gouvernement qu%27elle représente.2. Notre tambour, notre culture appartiennent à tous les #Burundi-ais. Nous nous sommes réfugiés avec notre culture, avec notre tambour. https://t.co/RP1JzIUimg
— Pacifique NININAHAZWE 🇧🇮 (@pnininahazwe) October 1, 2022
Umufasoni Epiphanie Kabushemeye Ntamwana aserukira Uburundi mu Buganda avuga ko hakenewe indinganizo nshasha yo gukoresha Ingoma kugira amategeko azikingira yubahirizwe.
Yahamagariye imigwi yose ifise Ingoma kwitaba inama izobera mu Buserukizi ku munsi wa kane w’iyi ndwi. N’aho biri uko, bene iyo migwi ikorera I Kampala mu Buganda, bavyamirira kure.
Mw’ikambi y’impunzi ya Nakivale, imigwi ndangakaranga ikoresha umurisho w’ingoma iriyo, ivuga ko itarota yitaba iyo nama kubera kubw’ayo batakigengwa n’amategeko y’igihugu bahunze.
Ubuserukizi bw’impunzi I Kampala bwibaza ahubwo ko uwuserukira Uburundi yoba yihenze abo atumira kuko ku bwiwe, impunzi na ambasade ataho bahuriye.
Ahavuye agashavu kuri Reta y’Uburundi n’Ubuserukizi bw’ico gihugu mu Buganda, ni igiteramo ciswe « Nyege-nyege Festival » cabereye mu karere ka Jinja mu Buganda kuva italike 15 gushika 18 ukwezi guheze kw’9.
Muri ico giteramo, ubuserukizi bw’Uburundi mu Buganda buvuga ko umwe mu migwi ikorera mu Buganda, wemereye abakenyezi kuvuza Ingoma, bakoresheje n’ibihimba vy’ibanga vy’umukenyezi nk’amabere abandi bakazivuza bambaye umwambaro Uburundi budashima.
Ubushikiranganji bw’imico kama mu Burundi bwarasohoye itangazo bwiyamiriza iyo nyifato ku bw’Uburundi ihonyanga amategeko y’Ingoma.
1.#Burundi Aware of the misuse of the Burundian sacred Drum,during the"Nyegenyege 2022"festival @Uganda.The Ministry in charge of Culture informs national and international opinion that it will never tolerate anyone who violates Burundian Culture and customs @jumuiya @GeneralNeva pic.twitter.com/tTwTtKnbwb
— Ministère EACJSC (@MinEACJSCBdi) September 18, 2022
Aha, n’abavuzi b’Ingoma b’impunzi mu Buganda, n’aho batemera Ubutumire bwa ambasaderi, barahuriza ku nyifato ibereye iha agateka Ingoma.
Ivyo bamwe muri bo babwiye Ijwi ry'Amerika, muraza kuvyumva mu nkuru ya Pierre Claver Niyonkuru igitunganywa mu majwi
Your browser doesn’t support HTML5
Ingingo Ihagarika Umurisho w'Ingoma mu Buganda Uyibazako iki?