Umuhanzi Burabyo Yvan Uzwi ku izina rya Yvan Buravan yitabye Imana mu rukerera rwo kuri uyu wa gatatu aguye mu bitaro byo mu Buhinde aho yari yaragiye kwivuriza. Azize indwara ya Kanseri.
Iyi nkuru y’incamugongo yamenyekanye mu gitondo cyo kuri uyu wa kabiri, aho wasangaga nta kindi kiganiro kiri ku mbuga nkoranyambaga zikoreshwa cyane n'Abanyarwanda. Amakuru y’urupfu rw’uyu muhanzi yatangajwe na Bruce Intore wari ushinzwe kureberera inyungu za Buravan.
Ku mbuga nkoranyambaga, abanyarwanda n'abanyamahanga b'ingeri zose bakomeje kwandika ubutumwa bugaragaza akababaro batewe n'urupfu rw'uyu muhanzi wari muto ariko wari umaze kubaka izina muri muzika. Mu banditse ubutumwa harimo ministiri wa siporo Aurore Mimosa Munyangaju, wagize ati "Ruhukira mu mahoro iteka Buravan. Mfura y’i Rwanda".
Rest in Eternal Peace BURAVAN. Mfura y’i Rwanda https://t.co/30fMvro4GB pic.twitter.com/nFomYhAk0e
— Aurore Mimosa Munyangaju (@AuroreMimosa) August 17, 2022
Perezida w’Inteko Ishinga Amategeko y’Umuryango wa Afurika y’I burasirazuba Martin Ngoga we wagize ati "Ruhukira mu mahoro Buravan. Impano ikomeye igiye vuba, Ibikorwa byawe bizahora biratwa".
RIP Buravan. A great talent gone too soon. Your accomplishments will remain standing tall. https://t.co/arvPlkT0GW
— Martin K.Ngoga (@martin_ngoga) August 17, 2022
Ku rubuga rwa twitter, Willy Nyamitwe uhagarariye Uburundi mu gihugu cya Etiyopiya nawe yavuze ko yababajwe n'urupfu rwa Buravan yihanganisha abandi bahanzi bagenzi be bo mu karere k'Afurika y'uburasirazuba.
Deeply saddened to learn of the passing of Yvan Buravan one of the greatest artists from #Rwanda who will be truly missed. My heart is with all East african artists in this time of sorrow.#Burundi#DRC#Kenya#Uganda#SouthSudan#Tanzaniahttps://t.co/B1agjqXwRp
— Amb. Willy Nyamitwe (@willynyamitwe) August 17, 2022
Usibye abagiye bandika ubutumwa bwabo ku mbuga nkoranyambaga, bagenzi ba Buravan bakoranaga umuziki, benshi bananiwe kuvugisha Iwi ry’Amerika kubera ikiniga bari bafite. Bake bemeye kuvuga barimo Mani Martin. Umviriza ikiganiro yagiranye na Assumpta Kaboyi akorera Ijwi ry'Amerika i Kigali mu Rwanda.
Your browser doesn’t support HTML5
Ico Abatandukanye Bibukira kuri Nyakwigendera Yvan Buravan
Yvan Buravan ni umuhanzi wakoraga indirimbo zikunzwe, iyarigezweho n’iyitwa Big time. Igararamo ibicurangisho bigezweho ariko harimo n’umudiho wa Kinyarwanda.
Yvan Buravan yatangiye kumenyekana cyane muri muzika mu mwaka wa 2015. Mu 2018 yegukanye igihembo gikomeye gitangwa na Radiyo Mpuzamahanga y’Abafaransa, RFI, mu mwaka n'ishami ry'umuryango w'abibumbye ryita ku muco UNESCO.
Mu gihe abatari bake bari bakibabajwe n’urupfu rwa Buravan, kuri uyu wa kane kandi mu ma sa sita z’amanwa, hatangajwe urupfu rwa Nkusi Thomas wamenyekanye nka “Yanga” mu gusobanura filimi, yitabye Imana azize uburwayi yari amaranye iminsi. Amakuru yatanzwe n’umuvandimwe we, agaragaza ko Yanga yaguye muri Afurika y’epfo aho yari amaze iminsi arwariye.
Yanga yatangiye gusobanura filime afite imyaka 17 ubwo yigaga mu mashuri yisumbuye. Yanga nawe bivugwa ko yari arwaye Kanseri.