Kenya: Abanyakenya Bakomoka mu Rwanda mu Bazotora

Abaturage ba Kenya barenga gato miliyoni 22, kuri uyu wa Kabili barazindukira mu matora y'umukuru w'igihugu. Abakandida Raila Odinga ushyigikiwe na Perezida Uhuru Kenyatta na William Ruto wari visi perezida ni bo bari ku isonga ry'abahabwa amahirwe yo kuzayobora icyo gihugu muri manda y'imyaka itanu. Mu gihe hasigaye amasaha gusa kugirango amatora abe, kugeza ubu mu gihugu haravugwa amahoro n'ituze. Umunyamakuru w'Ijwi ry'Amerika, Eddie Rwema , yavuganye na Bosco Kubwayo, umusesenguzi w'Umurundi utuye mu mujyi wa Nairobi amubaza uko umwuka wifashe.

Uko Umwuka Wifashe i Nairobi muri Kenya

Tukivuga ku matora muri Kenya, mu bazazindukira mu gikorwa cy'amatora harimo Abanyakenya bafite inkomoko mu Rwanda bazaba bagiye gutora ku nshuro ya mbere. Bagizwe n'abana bakomoka ku babyeyi bazanywe muri icyo gihugu n'abakoloni mu myaka ya 1930 gukora mu mirima y'icyayi mu mujyi wa Kericho. Bari bamaze imyaka myinshi basaba guhabwa ubwenegihugu bwa Kenya. Bamwe muri bo baherutse kubuhabwa. Barimo Pasiteri Peter Gatonga uzatora ku nshuro ya mbere kuri uyu wa Kabiri. Yavuganye n'Umunyamakuru w'Ijwi ry'Amerika Eddie Rwema atangira avuga uko abo ibintu byifashe mu mujyi wa Kericho aho atuye.

Uko Umwuka Wifashe muri Kericho