Leta y'Afurika y'Epfo yohereje ingabo gufasha gutanga imfashanyo no gukora ibindi bikorwa by'ubutabazi mu ntara ya KwaZulu Natal yibasiwe n'imvura yateye imyuzure n'inkangu bigahitana abantu barenga 440.
Igisirikare cy'Afurika y'Epfo cyatangaje kuri uyu wa mbere ko cyahawe amabwiriza yo kohereza ingabo 10.000 mu bikorwa by'ubutabazi birimo gutwara imfashanyo no gutanga ibikorwa by'ubuvuzi.
Igisirikare kandi kiratanga indege za kajugujugu zifashishwa muri ibyo bikorwa by'ubutabazi n'ibyo guhuza ababuranye n'ababo.
Iyi myuzure yasize iheruheru ababarirwa mu bihumbi, itera ibura ry'umuriro w'amazi n'amashanyarazi i Durban, umwe mu mijyi ifite ibyambu bikomeye muri Afurika.
Umuyobozi w'intara ya KwaZulu Natal ejo ku cyumweru yatangaje ko abahitanywe n'ako kaga bamaze kugera kuri 443 mu gihe abandi 43 bagishakishwa.