Umugabo w’umwimukira w’imyaka 26 yamuka muri Republika ya demokarasi ya Kongo, Patrick Lyoya, yarishwe n’igiporisi co mu gisagara ca Grand Rapids muri reta ya Michingan muri Reta zunze ubumwe za Amerika kuri uyu wa kane.
Igiporisi co muri ico gisagara cavuze ko camuhagaritse kuko yari atwaye imodokari ifise iparati idahuje n’ibiyiranga, abona guhagarikwa. Uguharira n’umuporisi w’umuzungu yamuhagaritse kwarangiye amurashe arapfa, aba umwirabure yiyongereye ku bandi birabure bakunze gutakarizwa ubuzima n’abaporisi muri Reta zunze ubumwe za Amerika.
Abavyeyi biwe n’agahinda bavuze ko batari bazi ko bahunze ubwicanyi mu gihugu bamukamwo ca Kongo ngo umwana wabo aze kwicirwa muri Amerika.
Umuporisi yarashe Patrick yaciye aba arahagaritswe mu kazi mu gihe amatohoza yatanguwe.