Sentare mu Bufaransa kuri uyu wa kane yaciriye igifungo c’imyaka 14 uwahoze ari umushoferi w’ihoteli ku Kibuye, ku ruhara yagize muri jenoside yabaye mu Rwanda muri 1994. Umufaransa w’umunyarwanda, Claude Muhayimana, w’imyaka 60, yagirizwa kuba yarunguruje interahamwe zagirizwa kwica ibihumbi vy’abatutsi. Yagirizwa kugira uruhara muri Jenoside no mu vyaha ku kiremwa muntu.
Muhayimana aciriwe urubanza inyuma y’uko sentare imaze kwumviriza ivyabona hafi 50, bamwe muri bo bakuwe mu Rwanda n’indege.
Abakora amatohoza bashimira Mushimiyimana kuba yarahishe abatutsi no gufasha bamwe guhunga. We yahunze u Rwanda inyuma ya Jenoside, hanyuma aronka ubwenegihugu bw’Ubufaransa mu 2010.
Muhayimana abaye uwa gatatu aciriwe urubanza mu Bufaransa ku caha ca jenoside. Abandi banyarwanda baciriwe imanza mu Bufaransa ni umukapitene yaciriwe gufungwa imyaka 25, hamwe n’abakuru b’ibisagara babiri baciriwe umunyororo wo guherayo.