Inama nshingamateka y’ishirahamwe rya Buraya yasavye ko Paul Rusesabagina atahukanwa mu Bubirigi, hatarinze kwihwezwa nimba hari ikimwagira canke atakimwagira. Ikimenyeshamakuru Le Soir co mu Bubirigi canditse ko iyi ngingo yemejwe kuri uyu wa kane mu nama yahuje abo bashingamateka ba Buraya.
Rusesabagina, w’ubweneghugu bubiri, Umunyarwanda akongera akaba n’Umubirigi, mu kwezi guheze, ubutungane bw’u Rwanda bwamuciriye gufungwa imyaka 25 ku vyaha vy’iterabwoba.
Umutegetsi mukuru ajejwe imigenderanire mu muryango w’ubumwe bw’Uburaya, Josep Borrell, yasavye abashingamateka kwisunga ivyemeza vyatanzwe n’abategetsi bo mu gisata c’ubutungane bw’Ububirigi, kimwe mu bihugu vyo muri uyo muryango. Reta zunze ubumwe za Amerika n’Ububirigi vyemeza ko Rusesabagina atahawe ubutungane bubereye n’u Rwanda.