Perezida wa Reta zunze ubumwe za Amerika, Joe Biden, yashize ahabona kuri uyu wa kane umugambi w’incanco za mbere zingana imiriyoni 80 za Covid-19, Amerika izokwiragiza kw’isi imbere y’ukwezi kw’indwi. Ibice 75 kw’ijana bizotangirwa mu mugambi mpuzamakungu Covax wishinze gufasha ibihugu bitishoboye kuronka incanco.
Perezidanse ya Amerika yavuze ko incanco zizoca mu mugambi Covax zizohabwa ibihugu vyo muri Amerika y’epfo, ivyo muri Caraibe, ivyo mu bumanuko hamwe n’ubumanuko bushira ubuseruko bwa Aziya hamwe na Afrika.
Iki cemezo ca Amerika gifashwe inyuma y’aho ibindi bihugu biyiremereye gutanga incanco zisaguka ku ziriko zirahabwa abanyamerika mu gihugu.
Umuyobozi mukuru wa OMS, Tedros Adhanom Ghebreyesus yavuze ko ashimye cane uwo mutima wa gufasha wa Reta zunze ubumwe za Amerika.