Umwamikazi w'Ubwongereza, Elizabeth wa Kabiri, azokwakira prezida wa Reta zunze ubumwe za Amerika mu ndwi iza.
Abategetsi b’ibiro vyiwe bamenyesha ko azobonana na Prezida Biden mu rugendo azoba arimwo mu Bwongereza aho azokwitabira inama y’abategetsi b’ibihugu indwi bikomeye kurusha ibindi kw’isi mu vyerekeye ubutunzi.
Ibiro vy’umwamikazi Elizabeth wa kabiri vyatangaje ko azokwakira Biden n’umutambukanyi wiwe, Jill Biden, mu ngoro yiwe ku musi wa nyuma w’iyo nama izoba mu mpera z’indwi iza mu gisagara ca Cornwall, mu Bwongereza.
Abategetsi b’ibihugu 7 biteye imbere kurusha ibindi kw’isi mu vy’ubutunzi bazoba bahuye mu nama ubwa mbere amaso mu yandi mu kiringo kirenga imyaka ibiri. Ibibazo vyerekeye ikiza ca Covid-19 n’ihindagurika ry’ibihe nivyo bizoshimikirwako kurushiriza.
Ubwongereza kizoba cakiye iyo nama gifise igishika c’ukwerekana ko ivyo bihugu bigifise igihagararo gikomeye mu makungu aho ibintu biriko bihinduka mu buryo bwihuta.