Abaporisi batanu bari mu bantu batandatu bishwe ku mugoroba w’ejo ku musi w’Imana na bombe y’umwiyahuzi i Mogadishu, muri Somaliya nkuko ababibonye hamwe n’abategetsi babivuze.
Major Sadiq Aden Ali, umuvugizi w’igiporisi ca Somaliya yemeje ayo makuru kandi avuga ko hari abaporisi babiri b’ipete rya kamanda bapfuye.
Ico kibombe caturikijwe n’umwiyahuzi yari acambariyeko yegereye abo baporisi hafi sa tatu z’ijoro z’umugoroba mu masaha y’i Mogadishu, nkuko ababibonye babivuze. Igiporisi kivuga ko abandi bantu batandatu bakomeretse.
Abategetsi ba Somaliya bacegeka ku barwanyi b’umuhari w’iterabwoba wa Al Shabab.