Umuhango wo kurahiza Perezida wa Banki nyafurika yo gutsura amajyammbere (BAD), Akinwumi Adesina, wabereye ku cyicaro cy’iyo banki I Abidjan mu murwa mukuru wa Cote d’Ivoire. Ni umuhango wabaye mu buryo bw’iyakure kubera kwirinda icyorezo cya Covid-19.
Uwo muhango witabiriwe n’abakuru b’ibihugu, ba guverneri ba za banki nkuru z’ibihugu, kimwe n’abandi bahagarariye ibigo bikorana na Banki nyafurika yo gutsura amajyambere. Mu bakuru b’ibihugu by'Afurika bitabiriye uyu muhango, harimo Perezida Paul Kagame w’u Rwanda.
Mu ijambo rye, Akinwumi Adesina yavuze ko mu myaka itanu iri imbere, Banki ayobora izashyira imbere iterambere ry’Afurika nyirizina: imibereho myiza y’abaturage, kubaha amasharanyarai, ibiribwa n’inganda.
Umunyamakuru w'Ijwi ry'Amerika Venuste Nshimiyimana yakurikiranye iyi nkuru.
Your browser doesn’t support HTML5
Perezida Kagame mu muhango wo kurahiza umuyobozi wa Banki nyafurika