Abakozi bo mu gisata c’amagara y’abantu bariko bararwanya ikiza ca corona ku murwa mukuru Kinshasa muri Repubulika ya demokarasi ya Kongo bashikirije ko batanguye imyiyerekano yo guhagarika akazi gushika bahembwe. Bashikiriza ko bamaze amezi atatu bataronswa umushahara wabo.
Umugwi ugizwe n’abadogiteri 30, abaforoma hamwe n’abakora ibipimo mumalaboratware ni bo bari muri iyo myiyerekano.
Umurwa mukuru Kinshasa ubamwo hafi imiliyoni 10 z’abantu, kandi umaze kubonekamwo abanduye COVID-19 barenga ibihumbi bitandatu ku barenga ibihumbi ndwi mu gihugu cose. Abarenga 180 ni bo bamaze guhitanwa n’uwo mugera.