Muri Mali, abantu bafite imbunda, bari ku mapikipiki, kuri uyu wa kane bateye imidugudu ibili, Djindo na Fangadougou, mu ntara ya Mopti, hagati no hagati mu gihugu, muri kilometero 30 uvuye ku mupaka w'igihugu cy'abaturanyi cya Burkina Faso. Bishe abaturage 27 bwo mu bwoko bwa Dogon.
Abayobozi b'inzego z'ibanze babwiye ikigo ntaramakuru Reuters, cyo mu Bwongereza, ko iki gitero cyagabwe n'intagondwa za kisilamu. Ariko nta mutwe wari wakiyitirira.
Usibye intambara hagati y'amoko, Mali yugarijwe, kuva mu 2012, n'imitwe ishamikiye kuri al-Qaida na Leta ya Kisilamu, irwana no muri Burkina Faso na Niger, Nigeriya, Cadi na Kameruni.
Imiryango iharanira uburenganzira bwa muntu itandukanye ivuga ko abantu bagera kuri 300 bishwe n'iyi mitwe mu gihembwe cya mbere cy'uyu mwaka w'2020 muri Mali honyine gusa.