G5-Sahel, Ubufaransa na Espagne kuri uyu wa kabiri bari mu nama y'umunsi umwe y'abakuru b'ibihugu yabahurije i Noukchott, umurwa mukuru wa Mauritania.
Biyemeje gukaza umurego wa gisilikali mu ntambara yo kurwanya intagondwa mu karere ka Sahel no kubungabunga intambwe bamaze gutera. Kimwe mu biranga iyi ntambwe ni urupfu rw'umukuru w'umutwe Aqmi, ni ukuvuga al-Qaida mu karere ka Maghreb na Sahel.
Ku italiki ya 3 y'uku kwa gatandatu kurangiye, Abdelmalek Droukdel, wakomokaga mu gihugu cy'Algeriya, yiciwe mu majyaruguru ya Mali n'ingabo z'Ubufaransa, zitewe inkunga n'igisilikali cya Leta zunze ubumwe z'Amerika.
Kuri Perezida Emmanuel Macron w'Ubufaransa, intsinzi irashoboka. Ati: "Dukore uko dushoboye kugirango abaperefe, abacamanza, n'abapolisi mu noneho bagaruke mu bice leta zitarabasha kwisubiza."
Mu rwandiko bashyikirije inama, Umuryango w'Abibumbye n'imiryango y'ubutabazi itandukanye bavuga ko "umutekano wifashe nabi muri Sahel kubera intambara, zirimo n'iz'isubiranamo ry'amoko, zateje ibibazo by'urudaca mu baturage."
G-5 Sahel igizwe na Burkina Faso, Mali, Mauritaniya, Niger na Cadi, byose byahoze ari koloni z'Ubufaransa.
G5 Sahel Yiyemeje Kubungabunga Ibyo Imaze Kugeraho
Perezida wa Cadi Idriss Deby mu nama ya G5 Sahel n'Ubufaransa ku italiki ya 30/06/2020 i Nouakchott.