Ukwezi kwa Ramazani muri "Guma mu Rugo"

Abayisilamu bo kw’isi hose bari mu myiteguro y’ukwezi kweranda kwa Ramadani, ukwezi kwo gusenga, gutanga ibimazi no gufasha abatishoboye. Uko kwezi gutangurana n’uyu wa gatanu kw’isi.

Ikiza c’umugera wa Corona kigiye gutuma abayisilamu bayihimbaza mu bihe bidasanzwe uyu mwaka kuruta mbere. Abategetsi b’idini muri Arabiya Sawudite bategetse ko amasengesho yo kumugoroba abera mu ngo.

Emirat zunze ubumwe z’Abarabu ni kimwe mu bihugu vyahagaritse amasengesho rusangi mu misigiti, mu gihe abategetsi ba Misiri bahagaritse amakoraniro rusangi.

Abayisilamu muri Reta zunze ubumwe z’Amerika bariko bararaba uburyo bubereye bwo kwisunga bivanye n’amategeko ya Guma mu Rugo yashinzwe kubera ikiza ca COVID-19.