Igihugu ca Mexique cafashe ingingo yo guha ubuhungiro bwa politike uwahoze ari perezida wa Bolovia Evo Morales. Aya makuru yatangajwe n’umushikiranganji wa Mexique ajejwe imigenderanire n’ayandi makungu, Marcelo Ebrard.
Ebrard yashikirije ko reta yiwe yabisabwe na Morales. Yavuze kandi ko Mexique kuva kera yamye ikingira abarondera ubuhungiro.
Kuva kuri uyu wa mbere, Boliviya nta mukuru w’igihugu gifise. Abategerezwa gusubirira Evo Morales babihabwa n’ibwirizwa shingiro bose nabo baratanze imihoho.