Perezida wa Repubulika iharanira demokarasi ya Congo, Félix Tshisekedi, ari mu ruzinduko mu burasirazuba bw’igihugu hayogojwe n’umutekano muke uturuka ku imitwe y’inyeshyamba yahahinduye isibaniro.
Uyu munsi yageze mu mujyi wa Beni, hishwe abantu amagana kuva mu 2014. Muri ubu bwicanyi, leta ya Congo irega umutwe w’inyeshyamba z’Abaganda za ADF.
Intara ya Kivu kandi irimo umutwe w’inyeshyamba z’Abanyarwanda ba FDLR. Bahamaze imyaka 25.
Abaturage basaba umukuru w’igihugu kugarurira amahoro, umudendezo, n’ububasha n’ubutegetsi bwa leta. Perezida Tshisekedi yageze i Beni akubutse i Goma n’i Lubumbashi muri Katanga.