Umukuru w’umugambwe ANC uri ku butegetsi muri Afurika y’epfo, yatangaje kur’uyu w’Imana ko uwo mugambwe ugiye gutunganya inama yo kurabira hamwe kazoza ko perezida Jacob Zuma yagirizwa ivyaha bitari bike.
Cyril Ramaphosa yavuze ko yatumyeko inama y’uwo mugambwe ku rwego rw’igihugu kur’uyu wa mbere, kugira abashikirize aho Perezida Zuma yavuze ko ahagaze nk’umukuru w’igihugu, mu gihe Ramaphosa hamwe n’abo bari kumwe bariko bamusaba gutanga imihoho.
Ramaphosa yagize ati: "Abanyagihugu bacu bakeneye ko iki kibazo kiva mu nzira. Iyi nama ni co izoba igamije gukora”. Ivyo yabibwiye abanywanyi b’umugambwe mu gisagara ca Cape Town.