Umugambwe ANC, uri ku butegetsi muri Afrika y’Epfo, wari wategekanije kur’uyu wa gatatu kwiga ku kibazo c’uko Jacob Zuma yotanga imihoho, wunguruje inama yawo idasanzwe ku rindi sango.
Ivyo vyabaye inyuma y’ibiganiro vyabaye ku mugoroba wo kur’uyu wa kabiri, bivugwa ko vyabaye ngirakamaro hagati ya Zuma na Cyril Ramaphosa anugwangugwa kuba ariwe yomusubirira.
Umugambwe ANC, usanzwe utumvikana ku cokorerwa Jacob Zuma, woba wari gusaba kur’uyu wa gatatu Perezida gutanga imihoho.
Ariko iyo nama yungururijwe ku magenekerezo ya 17 na 18 z’uku kwezi kwa kabiri, inyuma y’ibiganiro vyahuje abategetsi babiri, nkuko vyashikirijwe na ANC ariko ivyavuye mur’ivyo biganiro ntivyamenyeshejwe.