Urukiko rwisumbuye rwa Nyarugenge kur'uyu wa mbere rwatangiye kuburanisha urubanza rw'abo mu muryango rwa Rwigara ku ifunga n'ifungura ry'agateganyo.
Ubushinjacyaha bw'u Rwanda burabarega ibyaha byo guteza imvururu cyangwa imidugararo muri rubanda. Buravuga ko bufite amajwi 20 abaregwa bagiye bohererezanya agize ibyo byaha. Ubu bushinjacyaha bwatanze amajwi 12 urukiko rurayumva andi umunani azumvirwa mu muhezo.
Muri ibyo biganiro Mme Adeline Rwigara avugamo ko Leta y'u Rwanda ari iy'abicanyi bamwiciye umugabo.
Uregwa yamaze gushimangirira urukiko koko ko Leta yamwiciye umugabo mu 2015 irangije ikora icyo yise ikinamico ko yishwe n'impanuka. Araregwa kandi ko yise igipolisi cy'u Rwanda ko ari interahamwe z'urundi rwego.
Yavuze ko bitewe n'agahinda k'ibyo bamukorera ibyo abona bakora kuri we ntaho bitaniye n'iby'interahamwe. Ati " interahamwe si ubwoko runaka ni umuntu wese unkorera iyicarubozo".
Inkuru iramvuye kuri uru rubanza mwumvirize umumenyeshamakuru w'Ijwi ry'Amerika i Kigali mu Rwanda, Eric Bagiruwubuwa.
Your browser doesn’t support HTML5
Umumenyeshamakuru w'Ijwi ry'Amerika, Eric Bagiruwubusa