Umukuru w'igihugu wa Leta Zunze Ubumwe za Amerika Donald Trump yisobanuye avuga ko afite uburenganzira bwo gusangira amakuru n'Uburusiya, ku bivugwa ko hari amakuru y'ibanga yasohoye.
Bwana Trump yatangaje ubutumwa bwa Twitter avuga ko yasangiye "amakuru yerekeye iterabwoba n'umutekano mu ndege" kandi ko yifuza ko Uburusiya bwitanga kurushaho mu kurwanya umutwe wa Leta ya Kisilamu.
Yabonanye na Minisitiri w’ububanyi n’amahanga w’Uburusiya Sergei Lavrov, mu cyumweru gishize. Ikinyamakuru Washington Post, cyandikirwa hano mu mujyi wa Washington, DC, kivuga ko Bwana Trump yatanze amakuru y'ibanga ajyanye n'umugambi wa Reta ya Kisilamu wo gutegura ibitero ukoresheje mudasobwa zigendanwa mu ndege.
Icyo cyemezo cya Perezida Trump ntikibujijwe n'amategeko kuko umukuru w'igihugu afite uburenganzira bwo gushyira ku mugaragaro amakuru, ubundi afatwa nk'ibanga.