Umuyobozi wa Boko Haramu Abubakar Shekau, yagaragaye kuri videwo ahakana ibyo guverinema ya Nigeria yigambye, ko uwo mutwe w’inyeshyamba, wirukanywe mu ishyamba rya Sambisa wari warigaruriye.
Shekau yavuze ko iyo videwo yakozwe ku munsi wa Noheli, taliki 25 y’ukwezi kwa 12, ariko ntiyavuze aho yayifatiye. Yavuze mu rulimi ry’igihahusa no mu cyarabu.
Ati “tumeze neza. Nta hantu twiruhanywe. Kandi uburyo dukoresha ntabwo bushobora kugaragaza aho turi keretse gusa (Imana) Allah abishatse akoresheje iteka rye”. Ni uko Shekau yabivuze ari kumwe n’abarwanyi bafite intwaro.
Perezida Muhammadu Buhari kw’italiki ya 23 y’uku kwezi kwa 12, yavuze ko ingabo za Nijeriya zafashe inkambi ya Boko Haramu mu ishyamba rya Sambisa. Ni hamwe mu bice bigifitwe n’uwo mutwe w’intagondwa za kiyisilamu. Shekau yaragize ati “Ntukwiye kuba ubwira abantu bawe ibinyoma”. Ni Buhari yabwiraga kubyo yavuze ko Boko Haramu yambuwe aho yari isigaranye mu Ishyamba rya Sambisa.